МАКЕДОНИЈА: „Пелагонија“ повторно се враќа во сообраќај на релација Битола-Скопје-Битола

Од понеделник МЖ „Транспорт“ во редовен сообраќај го враќа деловниот воз 540/541
Деловниот воз Битола-Скопје-Битола повторно во сообраќај.

МЖ „Транспорт“ информира дека на релацијата Скопје-Битола-Скопје се воведува уште еден пар возови, 940/941.

Сообраќајот на возовите 540/541 и 940/941 ќе се реализира со новите современи кинески дизел-моторни гарнитури.

Од Скопје кон Битола и од Битола кон Скопје, наместо постоечките три, ќе сообраќаат пет пара возови.

Популарниот деловен воз „Пелагонија“ ќе вози по важечкиот возен ред.

Од Битола ќе тргнува во 5.18 часот, а во Скопје ќе пристигнува во 8.02 часот. Од Скопје за Битола ќе тргнува во 17.10, а во Битола ќе пристигне во 19.51 часот. Нововоедениот воз 941 од Скопје ќе тргнуваат 1.40 по полноќ, а во Битола ќе пристигнува во 4.30 часот. Од Битола за Скопје возот 940 ќе тргнува во 20.50, а во Скопје ќе пристигне во 23.39 часот.

Двата воза ќе возат под задолжителна резервација на место за седење.

10.03.2016.
(telegraf.mk)